How to use rice water and turmeric: तांदळाचे पाणी आणि हळदीचा वापर करून त्वचेसाठी नैसर्गिक चमक मिळवा
त्वचेला नैसर्गिक, ताजीतवानी आणि चमकदार ठेवण्यासाठी घरगुती उपाय खूपच प्रभावी ठरू शकतात. त्यात तांदळाचे पाणी आणि हळदीचा वापर विशेष महत्वाचा आहे. हे दोन्ही घटक स्वस्त, सहज उपलब्ध आणि कोणत्याही प्रकारच्या त्वचेसाठी लाभदायक असतात. चला जाणून घेऊया तांदळाचे पाणी आणि हळदीचा वापर करून त्वचेला चमक देण्यासाठी यांचा उपयोग आपण कसा करू शकतो.
तांदळाचे पाणी – त्वचेसाठी लाभ
तांदळाचे पाणी म्हणजे पाण्यात भिजवलेल्या तांदळाचे पाणी. यामध्ये बरेच प्रकारचे मिनरल्स, व्हिटॅमिन्स आणि अँटीऑक्सिडंट्स असतात जे त्वचेसाठी फायदेशीर आहेत. तांदळाच्या पाण्यात फेरुलिक असिड आणि व्हिटॅमिन बी-कॉम्प्लेक्स आढळतात जे त्वचेला हायड्रेटेड ठेवून तिला एकसारखी बनवतात. यामधील घटक त्वचेला कोमल, चमकदार आणि सुंदर बनवतात.
तांदळाचे पाणी कसे वापरावे?
1.क्लिंजर म्हणून : तांदळाचे पाणी एक नैसर्गिक क्लिंजर म्हणून वापरता येते. कापसाच्या बोळ्याने तांदळाचे पाणी चेहऱ्यावर लावा आणि काही वेळानंतर ताज्या पाण्याने धुवा. यामुळे चेहऱ्यावरील मळ आणि अनावश्यक तेल निघून जातो.
2.टोनर म्हणून: तांदळाचे पाणी टोनर म्हणून वापरणे जाते जेकी त्वचेला ताजेतवाने बनवते . रोजच्या वापराने त्वचेचे पोर्स घट्ट होतात आणि त्वचा अधिक स्मूद वाटते. फक्त कापसाच्या बोळ्याने तांदळाचे पाणी चेहऱ्यावर फिरवा आणि सुकल्यानंतर मॉइश्चरायझर लावा.
3.फेस पॅकमध्ये मिश्रण : आपण तांदळाचे पाणी इतर नैसर्गिक घटकांसोबत मिसळून फेस पॅक बनवू शकतो . हे त्वचेला निखार आणि मऊपणा देण्यासाठी उपयुक्त आहे.
हळद – त्वचेसाठी अमूल्य घटक
हळद हे भारतीय स्वयंपाकात वापरले जाणारे एक साधारण घटक असले तरी, त्याचे त्वचेसाठी फायदे अमूल्य आहेत. हळदीमध्ये असलेल्या अँटीबॅक्टेरियल आणि अँटीइन्फ्लेमेटरी गुणधर्मामुळे त्वचेवरील संक्रमण आणि लालसरपणा कमी होतो. हळद त्वचेला चमक देते आणि नैसर्गिक निखार आणते.
हळद कशी वापरावी?
1.फेस पॅक: हळद आणि बेसन यांचे मिश्रण एक उत्तम फेस पॅक तयार करते. यामध्ये एक चमचा हळद, दोन चमचे बेसन, आणि थोडेसे दूध किंवा तांदळाचे पाणी घालून पेस्ट तयार करा. ही पेस्ट चेहऱ्यावर लावून १५ मिनिटे ठेवा आणि मग धुवा. यामुळे त्वचेला एक नैसर्गिक निखार मिळतो.
2.स्क्रब म्हणून: हळद आणि ओट्स पावडर मिसळून तयार केलेला स्क्रब त्वचेचे मृत पेशी काढण्यास मदत करतो. यामुळे त्वचा उजळते आणि नितळ होते.
3.डार्क स्पॉट्ससाठी: हळदीचा लेप नियमितपणे लावल्यास चेहऱ्यावरील डाग, पिग्मेंटेशन आणि काळसरपणा कमी होतो. यामुळे त्वचा अधिक चमकदार बनते.
तांदळाचे पाणी आणि हळदीचा एकत्रित वापर
तांदळाचे पाणी आणि हळद हे दोन्ही घटक एकत्रित वापरल्यास त्वचेला एकसारखा टोन आणि चमक मिळते. एका भांड्यात थोडे तांदळाचे पाणी घ्या, त्यात एक चमचा हळद मिसळा. यामध्ये कॉटन बॉल बुडवून चेहऱ्यावर हलक्या हाताने लावा आणि १०-१५ मिनिटांनंतर चेहरा स्वच्छ धुवा. नियमित वापराने त्वचेचा पोत सुधारतो आणि त्वचा अधिक टवटवीत दिसू लागते.
तांदळाचे पाणी आणि हळदीचा उपयोग केल्याने त्वचेला नैसर्गिक चमक मिळवणे सोपे होते. बाजारातील महागडी उत्पादनं न वापरता हे घरगुती उपाय अधिक सुरक्षित, किफायतशीर आणि दीर्घकालीन परिणाम देणारे असतात. रोजच्या रुटीन मध्ये या उपायांचा समावेश केल्यास त्वचेला नक्कीच सुंदर, तेजस्वी निखार प्राप्त होईल.
- Can rice water be used daily for skin?
- Does turmeric suit all skin types?
