केसगळती थांबवण्यासाठी हे उपाय करा आणि १००% निरोगी केस मिळवा
केसगळती ही एक सामान्य आणि चिंताजनक समस्या आहे ज्यामुळे अनेकांना मानसिक त्रास होतो. केसगळतीचे अनेक कारणं असू शकतात जसे की आनुवंशिकता, तणाव, असंतुलित आहार, हार्मोनल बदल, आणि इतर अनेक कारणं. पण काळजी करू नका, केसगळती थांबवण्यासाठी आणि नवीन केस वाढवण्यासाठी काही नैसर्गिक आणि प्रभावी उपाय आहेत. चला तर मग, या उपायांबद्दल सविस्तर जाणून घेऊया.
१. आहारात बदल करणे गरजेचे आहे
केसांच्या आरोग्यासाठी योग्य आहार महत्त्वाचा असतो. आहारात प्रोटीन, जीवनसत्त्वं, आणि खनिजांचं संतुलित प्रमाण असणं आवश्यक आहे.
-प्रोटीन:केसांच्या वाढीसाठी प्रोटीन खूप आवश्यक आहे. अंडी, मासे, कडधान्यं, दूध आणि दूध उत्पादने यांचा समावेश आहारात केल्यास फायदा होऊ शकतो .
-विटामिन बी: विटामिन बी केसांच्या आरोग्यासाठी खूप महत्त्वाचं आहे. बी जीवनसत्त्वं मिळण्या साठी कडधान्य, शेंगदाणे, आणि हिरव्या पालेभाज्या यांचा समावेश आहारात केल्यास फायदा होऊ शकतो.
-विटामिन ई: विटामिन ई हे अँटीऑक्सिडंट आहे, जे केसांच्या मुळांना पोषण देते . बदाम, सोयाबीन तेल, पालक आणि ब्रोकोली यांचा आहारात समावेश केल्यास फायदा होतो .
-लोह: लोहमुळे रक्ताभिसरण सुधारतं, जे केसांच्या वाढीसाठी महत्त्वाचं आहे. पालक, बीट, अनार, आणि काजू यांचा समावेश आहारात केल्यास शरीराला योग्य प्रमाणात लोह मिळू शकत.
२. तणाव व्यवस्थापन करा जेणे करून केस गळती कमी होईल
तणाव हे केसगळतीचं एक मोठं कारण आहे. तणाव कमी करण्यासाठी ध्यान, योग, श्वसनाचे व्यायाम, आणि नियमित व्यायाम करणे गरजेचे आहे. तणावमुक्त राहण्यासाठी पुरेशी झोप घ्या आणि आपले आवडीचे छंद जोपासा.
३. तेल मालिश केल्या होईल फायदा
केसांना पोषण मिळण्यासाठी नियमित तेल मालिश करणे आवश्यक आहे. त्या मध्ये तुम्ही वेगवेगळ्या प्रकारचे तेल वापरू शकता
-नारळ तेल: नारळ तेलात अँटीऑक्सिडंट्स आणि अँटीबॅक्टेरियल गुणधर्म आहेत, जे केसांच्या आरोग्यासाठी फायदेशीर आहेत.
-आवळा तेल: आवळा तेलात विटामिन सी आणि अँटीऑक्सिडंट्स आहेत, जे केसांच्या वाढीसाठी उत्तम आहेत.
तेल मालिश करण्यासाठी तेल थोडं गरम करा आणि केसांच्या मुळांमध्ये हलक्या हाताने मसाज करा. तेल ३० मिनिटे तरीडोक्याला तसेच ठेवून नंतर शॅम्पूने डोके स्वच्छ धुवा.
४. केसांसाठी नैसर्गिक मास्क वापर
नैसर्गिक घटकांपासून बनवलेले केस मास्क केसांच्या आरोग्यासाठी खूप फायदेशीर आहेत.
-मेथी आणि दही: मेथी दाणे रात्री भिजवून त्याची पेस्ट बनवा आणि त्यात दही मिसळून केसांना लावा. हा मास्क केसांच्या मुळांना पोषण देतो आणि केसगळती कमी करतो.
-अंड आणि दही: अंड्यातील प्रोटीन केसांना मजबुती देतो. अंडा फेटून त्यात दही मिसळा आणि केसांना लावा. ३० मिनिटांनंतर शॅम्पूने केस तुम्ही धुवू शकता.
-हळद आणि दूध: हळद अँटीबॅक्टेरियल असते आणि दूध केसांना पोषण देतं. या दोन्हीचा पेस्ट बनवून केसांना लावा आणि ३० मिनिटांनंतर केस धुवा.
५. योग्य शॅम्पू आणि कंडिशनर निवडा
केसांच्या प्रकारानुसार योग्य शॅम्पू आणि कंडिशनर निवडा. रसायनयुक्त उत्पादनं टाळा व नैसर्गिक उत्पादनांचा वापर केसांसाठी करा. केस धुण्याकरता गरम पाण्याऐवजी कोमट पाणी वापर जेणे करून केसांची झीज होणार नाही
६. केसांची काळजी घ्या
केसांच्या आरोग्यासाठी नियमित केस कापणे गरजेचे आहे. यामुळे केसांच्या टोकांची निगा राखली जाते आणि केसांचे तुटण्याचे प्रमाण कमी होतं. केसांना वारंवार hairdryer करण्यापासून टाळा त्यांच बरोबर केमिकल च्या गोष्टी वापरण टाळा.
७. नियमित व्यायाम
नियमित व्यायामा केल्यामुळे रक्ताभिसरण सुधारतं, ज्यामुळे केसांच्या मुळांना पोषण मिळतं. योग, प्राणायाम, धावणे, सायकलिंग असे विविध व्यायामाचे प्रकार केसांच्या आरोग्यासाठी फायदेशीर ठरतात .
८. पुरेशी झोप
पुरेशी झोप केसांच्या आरोग्यासाठी महत्त्वाची आहे. दररोज किमान ७-८ तासांची झोप घ्या. झोपेच्या कमतरतेमुळे तणाव वाढतो आणि केसगळती वाढू शकते.
९. केमिकल चा उपयोग केसांवरती करू नका
केसांना रंगवण्यासाठी, स्ट्रेटनिंग किंवा कर्लिंग करण्यासाठी केमिकल चा वापर केला जातो हे करणे टाळा. हे पदार्थ केसांच्या नैसर्गिक संरचनेला हानी पोहचवतात आणि केसगळती वाढवतात.
१०. डॉक्टरांचा सल्ला घ्या
वरील उपायांमुळेही केसगळती थांबत नसेल तर डॉक्टरांचा सल्ला घ्या. केसगळतीच्या समस्या साठी तज्ञांचा सल्ला घेणं आवश्यक आहे.
केसगळती थांबवण्यासाठी आणि केसांच्या वाढीसाठी नैसर्गिक आणि घरगुती उपाय सर्वांत प्रभावी आहेत. संतुलित आहार, तणाव व्यवस्थापन, नियमित व्यायाम, पुरेशी झोप, आणि योग्य केसांची काळजी हे उपाय तुमच्या केसांच्या आरोग्यासाठी उत्तम आहेत. या उपायांचं नियमित पालन केल्यास तुम्हाला केसगळतीच्या समस्येवर मात करता येईल आणि तुमचे केस निरोगी, मजबूत आणि चमकदार राहतील.
टीप-वरील सर्व गोष्टी ह्या माहिती साठी आहेत या गोष्टी करणीय पूर्वी डॉक्टरचा सल्ला घ्या.
